აშშ-ის სახელმწიფო მდივანი ჯონ კერი მემორიალურ კომპლექსს ეწვია იაპონიის ქალაქ ჰიროსიმაში, სადაც ამერიკელებმა 1945 წელს ატომური ბომბი ჩამოაგდეს.

ვიზიტისას კერიმ პატივი მიაგო ბირთვული აფეთქების შედეგად დაღუპულთა ხსოვნას და შთაბეჭდილებების წიგნში ჩანაწერი დატოვა. ის პირველი სახელმწიფო მდივანია, რომელიც ჰიროსიმაში 1945 წლის შემდეგ ჩავიდა.

კერიმ იაპონელ ხალხს ბოდიში მოუხადა და აღნიშნა რომ მისი ვიზიტი ეხება აშშ-სა და იაპონიის ახლანდელ ურთიერთობებს და მას მეგობრული უწოდა.

კერი ჰიროსიმაში ”დიდი შვიდეულის” ქვეყნების საგარეო საქმეთა მინისტრების სამიტზე დასასწრებად ჩავიდა. ვრცელდება ინფორმაცია, რომ მაისში ამ ქვეყნების ლიდერების სამიტზე ჰიროსიმაში შესაძლოა აშშ-ის პრეზიდენტი ბარაკ ობამაც ჩავიდეს, თუმცა საბოლოო გადაწყვეტილება ამერიკის მხრიდან ჯერ მიღებული არ არის.

1945 წლის 6 აგვისტოს ჰიროსიმაში ატომური ბომბის ჩამოგდების შედეგად 130 ათასი ადამიანი დაიღუპა, კიდევ 100 ათასი დაბომბვიდან ერთი წლის შემდეგ გარდაიცვალა.

დღეს ჰიროსიმაში ერთ მილიონზე ოდნავ მეტი ადამიანი ცხოვრობს.