პრინცი უილიამი და ქეით მიდლტონი მუმბაის ეწვივნენ. ინდოეთსა და ბუტანში ისინი ერთ კვირას გაატარებენ.

კემბრიჯის ჰერცოგი და ჰერცოგინია მოგზაურობაში შვილების გარეშე გაემგზავრნენ. მუმბაიში მათ პატივი მიაგეს 2008 წელს მომხდარი ტერაქტის მსხვერპლთა ხსოვნას.

უილიამი და ქეითი ეწვევიან ტაჯ-მაჰალის სასახლეს. მონაწილეობას მიიღებენ სხვადასხვა საქველმოქმედო ღონისძიებაში, მათ უკვე ითამაშეს ბავშვებთან ერთად კრიკეტი, დაესწრნენ საქველმოქმედო ვახშამს , რომელსაც ასევე ესწრებოდნენ ბოლივუდის ვარსკვლავები და ცნობილი სპორტსმენები.

პრინცი უილიამი და ქეით მიდლტონი ასევე ეწვევიან მაჰათმა განდის მუზეუმს.

ამის გარდა ჰერცოგი და ჰერცოგინია ესტუმრებიან ბუტანის სამეფოსაც, ეს წყვილის პირველი ვიზიტი იქნება ამ სახელმწიფოში.

ბუტანის მეფე ჯიგმე კჰესარ ნამიაგინ ვანგჩუკი მოსფლიოში ყველაზე ახალგაზრდა მონარქია. მეფემ და დედოფალმა ჯაცუნ პემამ უმაღლესი განათლება დიდ ბრიტანეთში მიიღეს. მათ ხშირად ადარებენ კემბრიჯის ჰერცოგსა და ჰერცოგინიას.