ჯანდაცვის სამინისტრო და მთავრობა აგრძელებს იმ ფაქტის იგნორირებას, რომ საყოველთაო ჯანდაცვის პროგრამა უკვე დგას სერიოზული საფრთხეების წინაშე, - განაცხადა „პრაიმნიუსჯორჯიასთნ“ საუბარში ექპერტმა ჯანდაცვის საკითხებში სერგო ჩიხლაძემ.

მისი თქმით, 2016 წლის 6 თვეზე ბიუჯეტიდან საყოველთაო ჯანდაცვაზე გამოყოფილია 307 მილიონი ლარდან, 3,5 თვეში დახარჯულია 197 მილიონ ლარზე მეტი.

„ამ თანხაში კიდევ არ შედის ძველი დავალინებები. განსაკუთრებით არაპროგნოზირებადი გახდა ხარჯვა აპრილის თვეში. დღიური ხარჯი ხშირ შემთხვევაში 4 მილიონ ლარს ჭარბებს: 4 აპრილი - 166,100,303.87; 5 აპრილი - 170,687,169.75; 6 აპრილი -174,976,773.72; 7 აპრილი -179,095,998.52; 8 აპრილი -183,664,431.61; 11 აპრილი -185,668,147.52; 12 აპრილი -189,180,406.31; 13 აპრილი - 194,507,334.64; 14 აპრილი - 197,168,927.98“, - განაცხადა „პრაიმნიუსჯორჯიასთნ“ საუბარში ექპერტმა ჯანდაცვის საკითხებში ჩიხლაძემ და აღნიშნა, რომ მიუხედავად არსებული მონაცემებისა და ექსპერტთა რჩევებისა, ჯანდაცვის სამინისტრო და მთავრობა აგრძელებს იმ ფაქტის იგნორირებას, რომ საყოველთაო ჯანდაცვის პროგრამა უკვე დგას სერიოზული საფრთხეების წინაშე.

მარტის ბოლოს მიღებული მთავრობის დადგენილება, რომელიც დაბრკოლებას უქმნის პაციენტს სამკურნალო დაწესებულების შეცვლის/არჩევის უფლებაში, ართულებს რეჰოსპიტალიზაციის შესაძლებლობას, ზრდის მოცდის პერიოდს და უხეშად ერევა ფასწარმოქმნის საქმეში კიდევ უფრო გააუარესებს საყოველთაო ჯანდაცვის პროგრამის მაჩვენებლებს და ზოგადად უარყოფითად იმოქმედებს მოსახლეობის ჯანმრთელობის მახასიათებლებზე.