Gem fest-ისჰედლაინერების ვინაობა ცნობილია. აგვისტოში საქართველოს მსოფლიო დონის არტისტები ეწვევიან. Paul Kalkbrenner, Fedde Le Grand, Paul Van Dyk,Stephan Bodzin,Gus Gus, Dub FX ,Boris Brejchaდასხვა 100-მდე ელექტრონული მუსიკის ლეგენდას 10-დან 14 აგვისტოს ჩათვლით ანაკლია-განმუხურში Gem fest 2016 უმასპინძლებს. გერმანელმა ლაივ არტისტმა პოლ კალკბრენერმა მთავარი როლი შეასრულა საკულტო ფილმში Berlin Calling, რომელიც იმ წლის ჰიტადსწორედ საუნდტრეკების გამო იქცა.ფილმის ყველა საუნდტრეკი პოლმა დაწერა, ერთ ტრეკში კი ძმა დაიხმარა და ასე შეიქმნა Sky & Sand – კომპოზიცია, რომელიც 200 000 -იანი ტირაჟით გაიყიდა და გერმანიის ჩარტების ისტორიაში ყველაზე დიდიხანი - 129 კვირა იყო ჩარტების ლიდერი.

ჰოლანდიელი არტისტი ფედე ლე გრანი ისეთი ფესტივალების ყოველწლიური ჰედლაინერია, როგორებიცაა, UMF, TomorrowLand, Sensation, Coachella. 2007 წლის შემდეგ ჰოლანდიელი არტისტი ყოველწლიურად ხდება DJ Mag-ის გამოკითხვებში სოლიდურ პოზიციაზე და არ კარგავს აქტუალურობას Edm სცენაზე. Le Grand თავის სფეროში ერთ-ერთ ყველაზე წარმატებულ რემიქსერად ითვლება, რადგან მას რემიქსები აქვს ისეთი არტისტებისთვის გაკეთებული, როგორებიც არიან Coldplay, Michael Jackson და ა.შ.

Gem fest - ის ჰედლაინერების დასახელება გრანდიოზული ფოიერვერკითა და ორიგინალური ლაზერ შოუთი აღინიშნა, რომელსაც 1000-ზე მეტი Gem fest-ის თაყვანისმცემელი დაესწრო, რათა პირველებს გაეგოთ,თუ ვინ ეწვევა წელს ანაკლიას.“არტარეაში”გამართულ პრესკონფერენციაზე კარვების ქალაქთან ერთად, Gem fest-ის სამოსის შოურუმი მოეწყო.

Gem fest 2016 ანაკლიაში,10-14 აგვისტოს ჩათვლით გაიმართება და ის ხელს შეუწყობს საერთაშორისო დონეზე ქვეყნის იმიჯის ამაღლებას,ინვესტიციების შემოდინებას,ინფრასტრუქტურისა და ეკონომიკის განვითარებას,ასევე მოსახლეობის დასაქმებასა და მათი შემოსავლების ზრდას.

ღონისძიების მხარდამჭერი კომპანიები Sound Group, Visual Group და ელექტრონული მუსიკის სადგური Radio Kub/r/ick 97.5FM იყო.