საპარლამენტო უმცირესობა ვახტანგ გომელაურის პარლამენტში მისვლას კვლავ ითხოვს. ბიუროს სხდომაზე ენმ-ის წევრმა გია ბარამიძემ განაცხადა, რომ კატეგორიულად მოითხოვს სუს-ის ხელმძღვანელი გამოცხადდეს და პარლამენტს კანონის შესაბამისად ჩააბაროს ანგარიში.

,,უკვე დიდი ხანია გვესმის, რომ უსაფრთხოების სამსახურის ხელმძღვანელს გადაულახავი სურვილი აქვს, რომ მოვიდეს პარლამენტში და ვერანაირად ვერ მოაღწია, ამიტომ ფიცი მწამს, ბოლო მაკვირვებს. გაუგებარია, რა გვიშლის ხელს, თუ მითუმეტეს, მასაც აქვს სურვილი, რომ მოვიდეს. ისე, ეს მის სურვილზე არც არის დამოკიდებული, მას კანონით ევალება ეს და ამდენი ხანი უნდა მოსულიყო. რატომ არ უნდა ჩავატაროთ ეს მოსმენა შემდგომ საპარლამენტო სასესიო კვირას, მაშინ როცა ორი სასესიო კვირა უკვე გააცდინა ამ ადამიანმა და არ მოხერხდა მისი კანონით გათვალისიწინებული ანგარიშის მოსმენა? ვფიქრობ, აბსოლუტურად გაუმართლებელი იქნება ამ პროცესის კიდევ უფრო მეტად გაჭიანურება და ჩვენ კატეგორიულად მოვითხოვთ, რომ ეს ადამიანი გამოცხადდეს და პარლამენტს კანონის შესაბამისად ჩააბაროს ანგარიში“, - განაცხადა ბარამიძემ. 
ვახტანგ გომელაურთან კომუნიკაციისა და პარლამენტში სტუმრობის ზუსტი თარიღოს განსაზღვრის პირობა პარლამენტის თავდაცვისა და უშიშროების კომიტეტის თავმჯდომარემ ირაკლი სესიაშვილმა დადო.