საქართველოს მთავრობის ერთ-ერთი მთავარი გამოწვევა  ყოფილი მაღალჩინოსნების კრიმინალური აქტივობის მემკვიდრობასთან გამკლავებაა, - ამის შესახებ საქართველოს პრემიერ-მინისტრმა, გიორგი კვირიკაშვილმა ევროსაბჭოს საპარლამენტო ასამბლეაზე განაცხადა. მისივე თქმით, 2007 წლიდან, საქართველოში ცხოვრება მოსახლოების უმეტესი ნაწილისთვის ღამის კოშმარად იქცა.

„ჩვენ გვქონდა წარსულ დარღვევებთან დაკავშირებით 20 ათასი საჩივარი. საქართველოს 300 ათასი მოქალაქე სასამართლო დევნის მსხვერპლი იყო. მე ვარ ადამიანი, რომელსაც არასდროს ერიდებოდა წინა ხელისუფლების მიერ მიღწეული პროგრესისა და პოზიტიური მემკვიდრეობის აღიარება. თუმცა უნდა ვაღიაროთ ისიც, რომ 2007 წლიდან საქართველოში ცხოვრება მოსახლოების უმეტესი ნაწილისთვის ღამის კოშმარად იქცა“,-აღნიშნა გიორგი კვირიკაშვილმა.

მისივე განცხადებით, ზოგიერთმა შესაძლოა თქვას, რომ ჩვენ პოლიტპატიმრები გვყავს, თუმცა მე ვიტყვი, რომ ჩვენთან კანონის უზენაესობაა და არავინ დგას კანონზე ზემოთ.

„2012 წლიდან სასამართლო პროცესების გამჭვირვალეობის უზრუნველსაყოფად ჩვენ გავხსენით სასამართლო სხდომები საზოგადოებისთვის და მედიისთვის. ყველას შეუძლია,  თვალი ადევნოს მაღალი ინეტერსეის მქონე სასამართლო საქმეების მიმდინარეობას. გენრალურმა პორკურორმა მოიწვია საერთაშორისო ექსპერტები და პროკურორები აშშ-დან, დიდი ბრიტანეთიდან, ისრაელიდან, რათა ჩამოყალიბებულიყო მრჩეველთა სპეციალური საბჭო. მრჩეველთა საერთაშორისო პანელმა დაადგინა, რომ გენერალური პორკურორის მიერ წარდგენილი მტკიცებულებები იყო ლეგალური და საკამრისი ყოფილი მაღალჩინოსნების წინააღმდეგ სასამართლო დევნის დასაწყებად. ეს არ ნიშნავს, რომ ჩვენ გვიხარია ვინმეს ციხეში ნახვა, თუმცა ეს კვლავ ადასტურებს, რომს აქართველოში არავინ დგას კანონის მაღლა”, - აღნიშნა პრემიერმა.