,,ნაციონალური მოძრაობის“ წევრის გოკა გაბაშვილის განცხადებით, არ არის გასაკვირი, რომ საქართველოს მეგობრები წუხან ოლიგარქიული მმართველობის სტილზე, რომელიც ამ ქვეყანაშია. ამერიკელი კონგრესმენის მიერ ბიძინა ივანიშვილისთვის ანგარიშების გაყინვის შესახებ გაკეთებული განცხადების კომენტირებისას განაშვილმა ასევე განაცხადა, რომ ყველა მეგობარი წუხს საქართველოს უკან სვლის გამო.

„არ არის გასაკვირი, რომ საქართველოს მეგობრები წუხან იმ ვითარებაზე, რომელიც ამ ქვეყანაშია, ოლიგარქიული მმართველობის სტილზე, არაფორმალურ მმართველობაზე, ქვეყნის უკან სვლაზე, როგორც ეკონომიკის, ასევე დემოკრატიის თვალსაზრისით. ივანიშვილის ხელში ყველა თვალსაზრისით საქართველო უკან მიდის, საქართველოს ყველა მეგობარი ამაზე წუხს. ივანიშვილის ანგარიშები ნაკლებად გვაინტერესებს, ჩვენ გვაინტერესებს, რომ რაც შეიძლება მალე და ამის საუკეთესო საშუალება არის ოქტომბრის არჩევნები, დასრულდეს ეს ყველაფერი და ქვეყანამ თავის მეგობრებთან, პარტნიორებთან ისევ გააგრძელოს წინსვლა,“- განაცხადა გიორგი გაბაშვილმა.

ამერიკელი კონგრესმენი სტივ რასელი ბიძინა ივანიშვილის ანგარიშების გაყინვას მოითხოვს. რასელმა კონგრესის წარმომადგენელთა პალატის სხდომაზე საქართველოს ყოფილ პრემიერ-მინისტრს პუტინის მოკავშირე უწოდა და აღნიშნა, რომ ის ზეგავლენას ახდენს პოლიტიკურ პროცესებზე საქართველოში.