საარჩევნო კოდექსში ცვლილებებთან დაკავშირებით, შესაძლოა პარლამენტში ახალი ინიციატივა შევიდეს. პრეზიდენტის ადმინისტრაციაში გამართული შეხვედრის შემდეგ, ოპოზიციური პოლიტიკური პარტიების წარმომადგენლებმა განაცხადეს, რომ საკითხი ეხება საარჩევნო კოდექსში ე.წ. გერმანული მოდელის დანერგვას.

„ახალი მემარჯვენეების“ ლიდერმა მამუკა კაციტაძემ განაცხადა, რომ საარჩევნო სისტემასთან დაკავშირებით არასაპარლამენტო ოპოზიციას უკვე აქვს წარმოდგენილი გერმანული მოდელი, როგორც სარეზერვო ვარიანტი, თუკი საკონსტიტუციო ცვლილება ჩავარდება ან მისი მიღება დროში გაიწელება. 

„თუ საკონსტიტუციო ცვლილების მიღება დროში გაიწელება, ჩვენ გავხდებით მოწმე ახალი ინიციატივისა, რომ საარჩევნო კოდექსში შევიდეს ცვლილება ე.წ. გერმანული მოდელის დანერგვის ვარიანტის დასამკვიდრებლად. თუმცა, არის კონსულტაციები დაწყებული, პირადად მე მაქვს საპარლამენტო ფრაქციების დიდი მხარდაჭერის იმედი და მომავალი კვირიდან შესაძლოა ახალი ინიციატივის მომსწრეც გავხდეთ პარლამენტში“, - განაცხადა მამუკა კაციტაძემ.