”ნაციონალური მოძრაობის” ყოფილი წევრი გიორგი ვაშაძე აცხადებს, რომ იწყება ახალი პოლიტიკური მოძრაობის ფორმირება, როლის კარიც ყველასთვის ღიაა. ”ინოვაციებისა და განვითარების ფონდის” ოფისში ვაშაძე თანამოაზრეებს დღეს შეხვდა და აღნიშნა, რომ მთავარია ახალი სახეები პოლიტიკაში, რაც ასაკობრივ შეზღუდვას არ გულისხმობს.
მისივე თქმით, მოძრაობაში ბევრი ახალგაზრდა ჩაერთო ”ნაციონალური მოძრაობიდან”. რაც შეეხება ლიდერებს, ვაშაძე აცხადებს, რომ ფარულ მოლაპარაკებებს არავისთან აწარმოებს და ლიდერთან დაკავშირებით გადაწყვეტილებას ერთად მიიღებენ.
კითხვაზე, აპირებს თუ არა სხვა პოლიტიკურ ძალებთან თანამშრომლობას, მათ შორის, პაატა ბურჭულაძესთან, ვაშაძე პასუხობს, რომ ამაზე არ უფიქრია.
”ჩვენ ახლა ვაყალიბებთ ახალ პოლიტიკურ მოძრაობას. დღეს ჩვენს განრიგში არ შედის სხვა პოლიტიკურ მოძრაობებთან მოლაპარაკებების წარმოება. ჯერ ჩვენ ჩამოვყალიბდეთ როგორც პოლიტიკური მოძრაობა და მომავალი ყველაფერს გვიჩვენებს. ჩემი აზრით, ალბათ, დამოუკიდებლად მივიღებთ არჩევნებში მონაწილეობას. ალბათ იმიტომ, რომ ეს ჩემი გადასაწყვეტი არ არის, ეს არის იმ დამფუძნებლების გადასაწყვეტი, ვისთანაც ამ ახალ პოლიტიკურ მოძრაობას ჩამოვაყალიბებთ”, - განაცხადა გიორგი ვაშაძემ.