”თავისუფალი დემოკრატების’’ ლიდერები ირაკლი ალასანია, ალექსი პეტრიაშვილი, ირაკლი ჩიქოვანი, მაია ფანჯიკიძე და დავით ონოფრიშვილი დიპლომატიური კორპუსის წარმომადგენლებს შეხვდნენ. შეხვედრაზე ლიდერებმა მათ ე.წ. კაბელების საქმის დეტალები გააცნეს. დიპკორპუსის მხრიდან არაერთი კითხვა დაისვა საქმის სამართლებრივ ასპექტებთან და პოლიტიკურ მოტივებთან დაკავშირებით. კითხვები ჰქონდათ პარტიის სამოქმედო გეგმებთან დაკავშირებითაც. ‘’თავისუფალმა დემოკრატებმა’’ ხაზი გაუსვეს, რომ ეს საქმე არის წმინდა პოლიტიკური. დიპკორპუსის წარმომადგენლებმა განაცხადეს, რომ განახორციელებენ ამ საქმის მონიტორინგს და ინფორმაციას მიაწოდენებ სხვა კოლოგებსაც.

„ჩვენ არაერთხელ მოგვისმენია მხარდამჭერი განცხადებები არა კონკრეტული პოზიციის, არამედ სამართლიანობის ზეიმისა და ამიტომ დარწმუნებულები ვართ, რომ მხარდაჭერა ძალიან ეფექტური, ღია და პირდაპირი იქნება. ე.წ. კაბელების საქმეზე დამდგარი განაჩენი არის კიდევ ერთი დიდი შეცდომა, თუ შეიძლება ასე ითქვას, რომელიც დაშვებულია არა „თავისუფალი დემოკრატების“, არამედ ქართული სახელმწიფოს წინააღმდეგ“, - განაცხადა ირაკლი ჩიქოვანმა.