„თავისუფალი დემოკრატების“ ლიდერი ირაკლი ალასანია აცხადებს, რომ ე.წ. კაბელების საქმეზე მსჯავრდებულებს თანხასთან წვდომა არ ჰქონიათ და შესაბამისად, ვერ გაფლანგავდნენ. მედიის წარმომადგენლებთან საუბრისას ალასანიამ ასევე აღნიშნა, რომ ფულის გაფლანგვა მხოლოდ მას და ირაკლი ღარიბაშვილს შეეძლოთ.

“თანხა ხადურის ინიციატივით იყო გამოყოფილი. ხადურმა თქვა, განვიხილეო, მომეწონა წინადადებაო და მთავრობისაგან მოითხოვა 6 მილიონის გამოყოფა. ამ ხალხს თანხასთან წვდომა არ ჰქონიათ”, - განაცხადა ალასანიამ და აღნიშნა, რომ დაკავება პოლიტიკური ნიშნით მასზე ზეწოლის განსახორციელებლად მოხდა, ვინაიდან საფრანგეთში მნიშვნელოვან ხეკშეკრულებას მოაწერა ხელი.

ალასანიას განცხადებით, „სილქნეტზე“ არჩევანი ერთადერთი ნიშნით გააკეთა - ფასით ყველაზე დაბალი იყო.

"ჯანყარაშვილის და ღარიბაშვილის ინტერესები გამოჩნდა. ცხრა თვის შემდეგ დაწერა „დელტაკომმა“ საჩივარი, ეს კონკურენტის დაწერილი კი არა დაინტერესებული სუბიექტის საჩივარი იყო”, - განაცხადა ალასანიამ.