ერაყის ქალაქ ფალუჯაში 20 ათასამდე ბავშვი ”ისლამური სახელმწიფოს” ტერორისტების საფრთხის ქვეშ იმყოფება. მათ ასევე არ აქვთ საკმარისი რაოდენობის პროდუქტი და სასმელი წყალი. ამის შესახებ იუნისეფის განცხადებაშია ნათქვამი.
”სულ მცირე 20 ათასი ბავშვი რჩება ერაყიდან 60 კმ-ის მოშორებით, ფალუჯას საზღვრებში. ჩვენი მონაცემებით, საკვები პროდუქტებისა და წამლების რაოდენობა იწურება, ასევე მწვავედ დგას სასმელი წყლის პრობლემაც”, - ნათქვამია ერაყში იუნისეფის წარმომადგენლის პიტერ ჰოკინსის განცხადებაში.

ჰოკინსის თქმით, ”ისლამური სახელმწიფოს” მებრძოლები ბავშვებს  მათ რიგებში გაწევრიანებას აიძულებენ. ”ბავშვები, რომლებიც საომარ მოქმედებაში მონაწილეობა აიძულეს, რისკავენ თავიანთ სიცოცხლესა და მომავალს. მათგან იარაღის გამოყენებასა და უფროსების გვერდით ბრძოლას მოითხოვენ”, - განაცხადა იუნისეფის წარმომადგენელმა.

ერაყელმა სამხედროებმა ფალუჯას გათავისუფლების ოპერაცია ერთი კვირის წინ დაიწყეს. ამ ხნის განმავლობაში არმიამ რამდენიმე დასახლებული პუნქტი გაათავისუფლა. ფალუჯა ბაღდადის დასავლეთით მდებარეობს. ქალაქს ”ისლამური სახელმწიფო” 2014 წლიდან აკონტროლებს.