ხვალ, 7 ივლისს, 10:30-ზე, სასტუმრო „თბილისი მარიოტში“, პერსონალურ მონაცემთა დაცვის ინსპექტორი თამარ ქალდანი 3 წლიანი მუშაობის შედეგებს შეაჯამებს და სამომავლო გეგმებზე ისაუბრებს. მრგვალ მაგიდაში მონაწილეობას მიიღებენ არასამთავრობო და საერთაშორისო ორგანიზაციების წარმომადგენლები.

შეხვედრის მონაწილეებს სიტყვით მიმართავენ:

• თამარ ქალდანი, პერსონალურ მონაცემთა დაცვის ინსპექტორი;
• შტეფენ შთორქი - ევროკავშირის წარმომადგენლობა საქართველოში;
• რუსუდან ტუშური - გაეროს განვითარების პროგრამა “ადამიანის უფლებები ყველასთვის” პროექტის მენეჯერი.

შეხვედრის დასრულების შემდეგ გაიმართება დისკუსია.

ღონისძიება განხორციელდება ევროკავშირისა (EU) და გაეროს განვითარების პროგრამის მხარდაჭერით (UNDP).