8 ივლისს, 10.00 საათზე, სასტუმრო „ქორთიარდ მერიოტში“ გაიმართება ევროკავშირის ერთ-ერთი ყველაზე მაშტაბური  პროექტის „სამოქალაქო საზოგადოება ადგილობრივი დემოკრატიისთვის“ დასკვნითი კონფერენცია.

ღონისძიებას დაესწრებიან საქართველოში ევროკავშირის ელჩის მოადგილე სტეფან სტორკი,  ევროკავშირის დელეგაციის სამოქალაქო საზოგადოების და დემოკრატიის პროექტის მენეჯერი დომინიკა სკუბიდა,  ასევე საქართველოს პარლამენტისა და მთავრობის  წევრები,  საქართველოს მუნიციპალიტეტების მერები, გამგებლები და საკრებულოების წარმომადგენლები, ევროპის ასოციაციის ადგილობრივი დემოკრატიის აღმოსავლეთ პარტნიორობის (ALDA) ხელმძღვანელი პირები და „PEOPLE IN NEED”, “CARE”, “GSI” და სხვა საერთაშორისო ორგანიზაციების წარმომადგენლები. კონფერენციას ასევე დაესწრება ოცამდე ქართული არასამთავრობო ორგანიზააცის ხელმძღვანელი პირი და ოცდაათამდე თემის ლიდერი.

კონფერენციის ორგანიზატორია „საქართველოს ადგილობრივ თვითმმართველობათა ეროვნული ასოციაცია“ (NALAG), რომელიც საქართველოს ყველა თვითმმართველ ერთეულს აერთიანებს.

კონფერენციაზე განიხილავენ და შეაჯამებენ ევროკავშირის მიერ დაფინანსებული პროექტის ფარგლებში განხორციელებულ სამუშაოებს და შეაფასებენ იმ შედეგებს, რომლებსაც საქართველოს ადგილობრივ თვითმმართველობათა ეროვნულმა ასოციაციამ ევროკავშირის დახმარებით მიაღწია საქართველოს რეგიონებში ადგილობრივი გადაწყვეტილებების მიღების პროცესში სამოქალაქო საზოგადოების ჩართულობის ამაღლების კუთხით.