გერმანიის საგარეო საქმეთა მინისტრი ფრანკ-ვალტერ შტაინმაიერი თურქეთს მოუწოდებს, საგანგებო რეჟიმი რაც შეიძლება მალე გააუქმოს. ამის შესახებ შტაინმაიერმა ვაშინგტონში ვიზიტისას განაცხადა.

"სახელმწიფო გადატრიალების მცდელობის გარემოებების გამოძიების ზომების დროს აუცილებელია ზომიერება, ვითარების სწორი შეფასება და კანონის უზენაესობის პრინციპის დაცვა", - განაცხადა გერმანიის მთავარმა დიპლომატმა. შტაინმაიერის თქმით საგანგებო რეჟიმი უნდა იყოს შეზღუდული მხოლოდ აუცილებელი ხანგრძლივობით.

თურქეთის პრეზიდენტმა რეჯეპ ტაიპ ერდოღანმა მთავრობის წევრებთან შეხვედრის შემდეგ ქვეყანში სამთვიანი საგანგებო რეჟმი გამოაცხადა. საგანგებო რეჟიმი პრეზიდენტისა და მთავრობის უფლებამოსილებას მნიშვნელოვნად გაზრდის. როგორც თავად ერდოღანმა განაცხადა, ამგვარად ის ამბოხის მომხრეების წინააღმდეგ ეფექტიან ბრძოლას შეძლებს.

ამასთან, გერმანიის საგარეო საქმეთა მინისტრმა ანკარას ეჭვმიტანილებთან ურთიერთობისას თავშეკავებულობისკენ მოუწოდა.

"დანაშაულებრივ ქმედებებში მხოლოდ დადასტურებული მონაწილეობა, და არა სავარაუდო პოლიტიკური შეხედულებები, შესაძლებელია, გახდეს სახელმწიფო ზომების ამოქმედებისსთვის გადამწყვეტ ფაქტორად", - აღნიშნა ფრანკ-ვალტერ შტაინმაიერმა.