საქართველოს შეიარაღებული ძალების გენერალური შტაბის უფროსმა პოლონეთის მთავრობას შეიარაღებული ძალების დღე მიულოცა. იუბილის აღსანიშნავად გამართულ საზეიმო ღონისძიებებზე დასასწრებად გენერალ-მაიორი ვახტანგ კაპანაძე ოფიციალურად მიიწვიეს. ვიზიტის პირველ დღეს გენერალური შტაბის უფროსმა პატივი მიაგო ვარშავის ბრძოლაში დაღუპული სამხედროების ხსოვნას და გვირგვინით შეამკო გმირთა მემორიალი.

15 აგვისტოს გენერალი კაპანაძე შეიარაღებული ძალების დღისადმი მიძღვნილ სამხედრო აღლუმს დაესწრო. საზეიმო ღონისძიებების შემდეგ კი გენერალური შტაბის ხელმძღვანელს პოლონეთის პრეზიდენტმა ანდჟეი დუდამ ოფიციალურ მიღებაზე უმასპინძლა.