ბათუმი მე-5 საერთაშორისო აგრო-სასურსათო პროდუქციის და ტექნოლოგიების გამოფენა-გაყიდვა “Agro Batumi 2015“-ს უმასპინძლებს.

“Agro Batumi 2015“-ის ორგანიზატორი კომპანია "GEONET EXPO”-ა, რომელიც საქართველოში ერთ-ერთ პირველ საგამოფენო კომპანიას წარმოადგენს და ძირითადად ბათუმში საერთაშორისო გამოფენის ორგანიზებით არის დაკავებული

გამოფენა 30- 31 ოქტომბერსა და 1 ნოემბერს, ყინულის სასახლეში გაიმართება. „GEONET EXPO”-ში განმარტავენ, რომ გამოფენა წლიდან წლამდე უფრო მიმზიდველი და შედეგის მომტანი ხდება. „Agro Batumi 2015”- ში მონაწილეობას ღებულობენ როგორც ადგილობრივი, ისე უცხოური (თურქეთი, სომხეთი, აზერბაიჯანი, უკრაინა, ირანი და სხვა) კომპანიები.

„Agro Batumi 2015”-ს თანაორგანიზატორები არიან აჭარის მთავრობა, აჭარის სოფლის მეურნეობის სამინისტრო, ქალაქ ბათუმის მერია, აჭარის სავაჭრო-სამრეწველო პალატა, საქართველოს საერთაშორისო ინვესტორთა ასოციაცია და აჭარის ტელევიზია – მედია მხარდამჭერი.