კომპანია „ჯეოპოლი“ რუსთავში პლასტმასების საწარმოს ააშენებს, რისთვისაც 774 ათას 980 ლარის ინვესტიციას განახორციელებს. მთავრობამ კომოპანია „ჯეოპოლს“ რუსთავში 7243 კვ/მ არასასოფლო დანიშნულების მიწის ნაკვეთი და ამ ტერიტორიაზე განთავსებული შენობა-ნაგებობები 1 ლარად გადასცა. სანაცვლოდ კი ინვესტორმა ვალდებულება აიღო, რომ 2017 წლის ბოლომდე აღნიშნულ ფართში პლასტმასისა და მათი ნაწარმის მწარმოებელი საწარმოს მშენებლობას და წარმოების დაწყებას უზრუნველყოფს. პირობების მიხედვით, ინვესტორმა საწარმოსთვის პროფილის შენარჩუნება მინიმუმ 2 წლის ვადით უნდა უზრუნველყოს და ასევე წლის განმავლობაში საწარმოში მინიმუმ 100 ათასი კვ/მ-ი პროდუქცია (ეთილენის და სტიროლის პოლიმერები პირველადი ფორმით) უნდა აწარმოოს.