სირიის ქალაქ ალეპოში რამდენიმე უბანი სამთავრობო ჯარებმა კონტროლქვეშ დაიბრუნეს. ამ რაიონებიდამ მშვიდობიანი მოსახლეობის მასშტაბური ევაკუაცია დაიწყო.

7 ათასამდე მოქალაქე ავტობუსებით ქურთების მიერ კონტროლირებად ტერიტორიაზე გადაიყვანეს, საიდანაც ასადის მთავრობის მიერ კონტროლირებად ტერიტორიებზე სხვადასხვა თავშესაფარში გადაანაწილებენ.

ძალებმა ჯაბალ ბადროსა და მასაკინ ჰანანოს რაიონები დაიკავეს. ასადის არმია მასირებულ შტურმს ამჟამად საკჰურის, ჰაიდარიას და ბისტან ალ ბაშას რაიონებზე ახორციელებს. პარალელურად ამბოხებულთა პოზიციებს რუსული ავიაცია ბომბავს. ბრიტანეთში ბაზირებული სირიის ადამიანის უფლებათა ცენტრის ინფორმაციით, შეტაკებებს ბოლო 3 დღის განმავლობაში 219 მშვიდობიანი მცხოვრები ემსხვერპლა. დაღუპულთაგან 27 ბავშვია.

ქალაქ ალეპოზე სრული კონტროლის მოპოვების შემთხვევაში ეს, ბაშარ ალ ასადის ყველაზე დიდი გამარჯვება იქნება, ხუთნახევარ წლიანი სამოქალაქო ომის განმავლობაში.