გაზეთმა Financial Times-მა აშშ-ის არჩეული პრეზიდენტი დონალდ ტრამპი წლის ადამიანად დაასახელა. როგორც სტატიაშია აღნიშნული, მილიარდერმა ქვეყნის პოლიტიკის წესები გადაწერა.

გაზეთის ინფორმაციით, რესპუბლიკელები და დემოკრატები ვარაუდობდნენ, რომ სახელმწიფოს მეთაურის პოსტზე  ტრამპის არჩევა შეუძლებელი იქნებოდა.

ტრამპს - უძრავი ქონების სფეროს მაგნატს, რომელიც სატელევიზიო რეალითი-შოუს ვარსკვლავად იქცა, ამერიკელი ხალხი არასდროს მიიღებს”, -ნათქვამია გაზეთში გამოქვეყნებულ სტატიაში.

როგორც გამოცემა აღნიშნავს, სერიოზულ შეშფოთებას იწვევს, ტრამპის მხრიდან იმ სამყაროს მიმართ სრული უცოდნირობა, რომელიც მისი ბიზნეს-იმპერიის მიღმა იმყოფება. ”იმან, რაც რესპუბლიკელმა არ იცის, შესაძლოა ოკეანე გაავსოს. მას პირდაპირი გაგებით არ წაუკითხავს არცერთი წიგნი, მათ შორის აშშ-ის კონსტიტუციაც”-, ამბობდა მილიარდერის თანამოაზრე. ამასთან აღნიშნულია, რომ მას საუკეთესოდ შეუძლია სხვა თემაზე  საზოგადოების ყურადღების გადატანა.   

ამის გარდა Financial Times-ი წერს, რომ ტრამპმა ბოლო მოუღო ბუშებისა და კლინტონების პოლიტიკურ დინასტიას.

7 დეკემბერს ტრამპი წლის ადამიანად Time-მაც დაასახელა.