ჰოლივუდის ერთ-ერთი ულამაზესი წყვილი - ჯორჯ და ამალ ქლუნები ჯერ კიდევ ცოტა ხნის წინ ოჯახური ბედნიერების მაგალითად იყვნენ აღიარებულნი.

 თუმცა გავრცელებული ხმებით, მათ სანიმუშო ცოლ-ქმრულ კავშირში ყველაფერი კარგად არ არის. ამერიკული მედია წერს, რომ მსახიობი განქორწინებაზე სერიოზულად ფიქრობს.

კონფლიქტის მიზეზი კი ის გახდა, რომ ჯორჯ ქლუნს შვილების ყოლა არ სურს. როგორც ჟურნალისტები ამტკიცებენ, ქლუნი დაიღალა ცოლის გამუდმებული წუწუნისგან, რომელიც დაორსულებას ვერაფრით ახერხებს. მას აღიზიანებს ამალის დედად გახდომის მტკიცე სურვილი. თავად ქლუნი კი ისეთ ცოლზე ოცნებობდა, რომელიც ამ ცხოვრებით ტკბობას შვილების გარეშეც შეძლებდა.

მედია ამტკიცებს, რომ ერთადერთი მიზეზი, რის გამოც  მსახიობი ამ დრომდე თავს იკავებს, არის ის, რომ ეშინია ამალის მხრიდან გრანდიოზული სასამართლო განხილვის წამოწყების, რომელიც მასშტაბებით შესაძლოა,  მხოლოდ ანჯელინა ჯოლისა და ბრედ პიტის განქორწინებას შეედაროს.

მსახიობი, რომელსაც გახმაურებული რომანები ჰქონდა სინდი კროუფორდთან, ჯულია რობერტსთან, სტეისი კიბლერთან და კელი პრესტონთან, დაოჯახების სასტიკი წინააღმდეგი იყო. მის გადაწყვეტილებაში  კარდინალური ცვლილების შეტანა კი მხოლოდ ლამაზმა ადვოკატმა ამალ ალამუდინმა მოახერხა.