საყდრისის აფეთქებიდან ორი წლის თავზე, საყდრისის  კომიტეტმა კულტურული მემკვიდრეობის ხელყოფისთვის სპეციალური "ჯილდო" დააწესა, რომელიც ყოველი წლის 13 დეკემბერს გაიცემა. 

"ჯილდო" წელს კულტურის მინისტრს მიენიჭა. მიხეილ გიორგაძე საყდრისის კომიტეტმა ოქროს უროთი დააჯილდოვა. 

საყდრისის კომიტეტის წარმომადგენელ ირაკლი მამალაძის განცხადებით, მიხეილ გიორგაძეს პრიზი საყდრისის აფეთქებაში განსაკუთრებული წვლილისთვის გადაეცემა. დაჯილდოება ტრადიციული გახდება და პრიზი ყოველ წელს სხვადასხვა კომპანიას, იურიდიულ  პირებს და სასულიერო პირებს მიენიჭებათ. 

საყდრისის კომიტეტი კულტურის მინისტრის პრიზს სამინისტროში მიუტანს.