თბილისის მეტროს ყველა სადგური ამ დროისთვის შეუფერხებლად მუშაობს
თბილისის მეტროს პირველი ხაზის ყველა სადგურზე 11:18 საათიდან სრულად აღდგა მოძრაობა.
როგორც თბილისის სატრანსპორტი კომპანიის განცხადებაშია აღნიშნული, შესაბამისი სამსახურების მიერ მეტროსადგურ „სამგორში“ არსებული ძაბვის მიწოდების პრობლემა უკვე აღმოფხვრილია.
4 დეკემბერს, 09:55 საათზე სადგურ „სამგორში“, საკონტაქტო რელსზე ძაბვის მიწოდების შეფერხების გამო, პირველ ხაზზე მატარებლები მოძრაობდნენ „ახმეტელის თეატრიდან“ „300 არაგველამდე“. მოძრაობა შეჩერებული იყო "ვარკეთილის", "სამგორისა" და "ისნის" მეტროსადგურებში.
ამ ეტაპზე მეტროს ყველა სადგური შეუფერხებლად მუშაობს.
