იტალიელი მომღერალი ანდრეა ბოჩელი აშშ-ის არჩეული პრეზიდენტის დონალდ ტრამპის ინაუგურაციაზე გამოსვლაზე უარს აცხადებს. ამის შესახებ Page Six წერს.

იქამდე, მედია იუწყებოდა, რომ ბოჩელიმ შესაძლოა ინაუგურაციის ცერემონიაზე იმღეროს. ინფორმაციის გავრცელების შემდეგ, ბოჩელის მისამართით, სოციალურ ქსელებში კრიტიკის შემცველი პოსტები გაჩნდა.

Page Six-ის წყაროს ცნობით, ნეგატიური კომენტარებიდან გამომდინარე, მომღერალმა მიიღო გადაწყვეტილება, ინაუგურაციაზე არ გამოვიდეს. კიდევ ერთი წყაროს ცნობით, ეს ბოჩელის თავად ტრამპმა სთხოვა. ოფიციალური კომენტარი ჯერ არცერთ მხარეს გაუკეთებია. 

The Telegraph-ის ინფორმაციით, ტრამპი ბოჩელის ფანია.  მაგალითად, 2010 წელს ფლორიდაში ტრამპის მიერ მოწყობილ დახურულ წვეულებაზე იმღერა.