უკრაინამ ევროკავშირისგან 55 მილიონი ევროს ოდენობის მეორე ტრანში მიიღო
უკრაინამ ევროკავშირისგან ფინანსური დახმარების სახით 55 მილიონი ევროს ოდენობის მეორე ტრანში მიიღო.
ინფორმაციას ფინანსთა სამინისტრო ავრცელებს. უწყების განცხადებაში აღნიშნულია, რომ ევროკომისიამ თანხა განხორციელებული ეკონომიკური რეფორმების შეფასების შედეგად გამოუყო.
შეთანხმება უკრაინასა და ევროკავშირს შორის ფინანსური დახმარების თაობაზე 2014 წელს შედგა.
პირველი ტრანში 250 მილიონი ევროს ოდენობით კიევმა იმავე წლის ზაფხულში მიიღო.
