კერი ფიშერის დედა, ცნობილი ამერიკელი მსახიობი და მომღერალი დები რეინოლდსი შვილის სიკვდილიდან მეორე დღეს გარდაიცვალა. ამის შესახებ ”ასოშიეიტედ პრესი” იტყობინება.

კერი ფიშერი, რომელმაც ”ვარსკვლავურ ომებში” პრინცესა ლეიას როლი შეასრულა, 61 წლის ასაკში სამშაბათს გარდაიცვალა. მან თავი შეუძლოდ ლონდონიდან ლოს-ანჯელესში გაფრენისას იგრძნო. მსახიობი კრიტიკულ მდგომარეობაში საავადმყოფოში გადაიყვანეს. გარდაცვალების მიზეზი გულის გაჩერება გახდა.

რეინოლდსი კლინიკაში მას შემდეგ მოხვდა, რაც ქალიშვილის გარდაცვალების შესახებ შეიტყო. მსახიობის ვაჟმა ტოლდ ფიშერმა განაცხადა, რომ 84 წლის ქალი ინსულუტის შედეგად გარდაიცვალა.

დები რეინოლდსი ცნობილია კომედიურ ფილმებში შესრულებული როლებით. მას პოპულარობა მიუზიკლმა ”წვიმაში მომღერლებმა” მოუტანა, სადაც ერთ-ერთი მთავარი როლი შეასრულა.