28 იანვარს ჩინეთი ახალ წელს აღნიშნავს. თუმცა მანამდე ჩინეთის ბიზნეს გაერთიანების ორგანიზებით, ჩინური ახალი წლის დადგომის წვეულება გაიმართება, სადაც ჩინეთის სახალხო რესპუბლიკის ელჩიმა საქართველოში ძი იანჩიმ   ყველას დამდეგი ახალი წელი მიულოცა და ბევრი წარმატება უსურვა.

„ჩემთვის დიდი პატივია ყველას მოგილოცოთ ახალი წელი, რომელიც ჩინური კალენდრის მიხედვით 28 იანვარს იწყება.  ეს ჩვენთვის ყველაზე მნიშვნელოვანი დღესასწაულია. ახალი წელი ჩვენთვის ოჯახური დღესასწაულია და ყველა ცდილობს სახლში შეხვდეს.

ვიმედოვნებ, რომ ახალი წელი ბევრი ბედნიერებისა და წარმატების მომტანი იქნება. ვისარგებლებ შემთხვევით და საქართველოსა და ქართველ ხალხსაც მივულოცავ ახალი, 2017 წლის შემობრძანებას“, აღნიშნა ძი იანჩიმ.

აღსანიშნავია, რომ ჩინური ახალი წელი ასევე ცნობილი როგორც მთვარის ახალი წელი, ან გაზაფხულის  ფესტივალი და ის ჩინურ ტრადიციულ დღესასწაულთა შორის ყველაზე მნიშვნელოვანია. ის მოიცავს დღესასწაულთა მთელ სერიას, დაწყებული ახალი წლის  დადგომიდან, რომელიც აღინიშნება ჩინური კალენდრის წლის პირველი თვის პირველ დღეს, ანუ, ზამთრის  ბუნიობის შემდეგ მეორე ახალი მთვარის დღეს, და დამთავრებული ფარნების ფესტივალით (თვის მეთხუთმეტე დღეს).