Human Rights Watch საქართველოსთან დაკავშირებით 2017 წლის ანგარიშს აქვეყნებს, რომელიც ,,რუსთავი 2“ - ის საკითხსაც ეხება.

,,ყველაზე რეიტინგული ტელევიზიის „რუსთავი 2“-ის საკუთრების ირგვლივ მიმდინარე დავა 2016 წელსაც გრძელდებოდა და შეშფოთებას იწვევდა მედიაში ხელისუფლების ჩარევის თაობაზე. ივნისში, თბილისის სააპელაციო სასამართლომ ძალაში დატოვა ქვედა ინსტანციის სასამართლოს მიერ ქიბარ ხალვაშის სასარგებლოდ მიღებული გადაწყვეტილება.  ქიბარ ხალვაში „რუსთავი 2“-ის მფლობელი იყო 2004-2006 წლებში და ამ კომპანიაში საკუთარი წილის დაბრუნებას მოითხოვდა. ხალვაშის განცხადებით, 2006 წელს მაშინდელმა ენმ-ის ხელისუფლებამ მას წილების გაყიდვა აიძულა. რუსთავი 2-ის ამჟამინდელმა მფლობელებმა სააპელაციო სასამართლოს გადაწყვეტილება გაასაჩივრეს. მათი განცხადებით, ხალვაშის სასამართლო პროცესს ხელისუფლება მართავს, რათა ხელში ჩაიგდოს ოპოზიციური ტელეარხი. სექტემბერში, უზენაესმა სასამართლომ საჩივარი დასაშვებად ცნო. ამ ანგარიშის მომზადების დროისთვის გადაწყვეტილება ჯერ კიდევ არ იყო მიღებული”, - ნათქვამია ანგარიშში.   

მასში განხილულია ასევე, საქრთველოში ჩატარებული საპარლამენტო არჩევნები და ადამიანის უფლებები. საუბარია ასევე პირადი ცხოვრების ხელშეუხებლობის უფლების დარღვევაზე.