პარიზის საიუველირო მაღაზიიდან 5,5 მლნ ევროს ღირებულების ძვირფასეულობის ქურდობაში ეჭვმიტანილი რუმინეთში დააკავეს.

თავხედური დანაშაული 30 დეკემბერს მოხდა. დამნაშავემ თავი პოტენციურ მყიდველად მოაჩვენა და გამყუდველს ორი ალმასისა და ორი ბრილიანტის ბეჭდის ჩვენება სთხოვა.

ნაკეთებოების დათვალიერების შემდეგ ბოროტმოქმედმა მაღაზიის მფლობელებს მსგავსი ფუტლიარი დაუბრუნა,  კოლოფი კი, სადაც ძვირფასეულობა იდო, თავად დაიტოვა. ქურდი იმდენად მოხერხებულად მოქმედებდა, რომ დაკარგული ნივთები მხოლოდ რამდენიმე საათის შემდეგ მოიკითხეს.

ქურდობაში ეჭვმიტანილი 42 წლის გეორგე პლოშკარუ ქალაქ პლოეშტიში დააკავეს. ჩხერეკისას მას მოპარული ძვირფასეულობიდან მხოლოდ ერთი ბეჭედი აღმოაჩნდა. საქმე ნაქურდალი ნივთების შეძენაში კიდევ შვიდი რუმინელის წინააღმდეგ აღიძრა.