ბრიტანეთის პარლამენტის საიტზე გამოქვეყნდა ახალი პეტიციის ტექსტი, რომელიც პრეზიდენტ დონალდ ტრამპს სახელმწიფო ვიზიტის ფარგლებში, დედოფალთან მიღებაზე  ქვეყანაში ჩასვლას უკრძალავს.

ამ აკრძლავის მიზეზად პეტიციის ავტორები მიუთითებენ ტრამპის სექსისტურ შეხედულებებსა და მის ვულგარულ საქციელს. მათი აზრით, გამორიცხულია აშშ-ის 45ე პრეზიდენტი ელისაბედ მეორეს ან უელსის პრინცს შეხვდეს. მიმართვის ტექსტში ნათქვამია, რომ ასეთი მიღება დედოფალს უხერხულ მდგომარეობაში ჩააყენებს.

ამასთან პეტიცია დასაშვებად მიიჩნევს, დონალდ ტრამპის ჩასვლას ბრიტანეთში ჩვეულებრივი სამუშაო ვიზიტის ფარგლებში, სამეფოს ოჯახის წევრებთან შეხვედრის გარეშე.

არსებული წესებით, თუ პეტიციას 10 ათასზე მეტი ადამიანი მოაწერს ხელს, ხელისუფლება ვალდებულია თავისი აზრი ოფიციალურად გამოთქვას. თუ პეტიცია 100 ათასზე მეტ ხელმომწერს მოაგროვებს, პარლამენტმა შესაძლოა ამ მწვავე საკიხთზე დებატები დაიწყოს.

ტექსტის გამოქვეყნებიდან რამდენიმე საათის შემდეგ ხელმომწერთა რაოდენობა უკვე 80 ათასს აჭარბებდა. ამ დროისათვის პეტიაციას უკვე 150-ზე მეტი ხელმომწერი ჰყავს.