აშშ-ის სახელმწიფო დეპარტამენტის თანამაშრომლებმა პრეზიდენტ დონალდ ტრამპის საიმიგრაციო პოლიტიკის საპროტესტო წერილი მოამზადეს.

პეტიციაში, რომელსაც მხარს ასობით დიპლომატი უჭერს, ნათქვამია, რომ ტრამპის პოლიტიკა ქვეყანას ტერორისტული შეტევებისგან ვერ დაიცავს, და უცხოელებს ამერიკის მოქალაქეების საწინააღმდეგოდ განაწყობს. დიპლომატები აღნიშნავენ, რომ ტრამპის ბრძანებულება ქვეყანაში შესვლას  მცირე რაოდენობის პოტენციურ დამნაშავეებთან ერთად  200 მლნ კანონმორჩილ მოქალაქესაც უკრძალავს.

ამასთან თეთრი სახლის პრეს-მდივანმა შონ სპაისერმა განაცხადა, რომ მოწინააღმდეგეები ან უნდა შეეგუონ პრეზიდნერტის განკარგულებას, ან უნდა წავიდნენ.