გაეროს ყოფილი გენერალური მდივანი პან გი მუნი სამხრეთ კორეის საპრეზიდენტო არჩევნებში მონაწილეობაზე უარს ამბობს.

გასულ თვეს ის ნიუ-იორკიდან  სამხრეთ კორეაში გაეროს გენერალურ მდივნად 10-წლიანი მუშაობის დასრულების შემდეგ დაბრუნდა. ბევრი მას ვადამდელი არჩევნების შემთხვევაში პრეზიდენტობის კანდიდატად განიხილავდა.

როგორც პან გი მუნმა აღნიშნა, ის ”უკიდურესად იმედგაცრუებულია პოლიტიკოსების მოუქნელი პოზიცებითა და ეგოიზმით. ”გადავწყვიტე, რომ მათთან ერთი გზით სიარულს აზრი არ აქვს”,- განაცხადა პან გი მუნმა.

ნიუ-იორკიდან დაბრუნების შემდეგ პან გი მუნზე პოლიტიკური შეტევები განხორციელდა კორუფციაში მისი ნათესავების მონაწილოების შესახებ გამოთქმული ეჭვის გამო.