საფრანგეთის ყოფილი პრეზიდენტი ნიკოლა სარკოზი 2012 წლის წინასაარჩევნო კამპანიის უკანონო გზით დაფინანსების საქმეზე, სასამართლოს წინაშე წარდგება. სარკოზი არაერთხელ აცხადებდა, რომ ხარჯების გადაჭარბების შესახებ მისთვის არაფერი იყო ცნობილი.

გამოძიება ეჭვობს, რომ პარტია სახალხო მოძრაობის კავშირმა (UMP) გააყალბა დოკუმენტები, რათა დასაშვებზე 18 მლნ ევროთი მეტი ხარჯები დაემალა.

ექს-პრეზიდენტმა არაერთხელ განაცახდა, რომ არ იცოდა დადგენილი  წინაარჩევნო 22,5 მლნ ევროს მოცულობის ლიმიტის  ხარჯების გადამეტების შესახებ.

სარკოზის გარდა დოკუმენტების ფალსიფიკაციაში კიდევ 13 ადამიანია ეჭვმიტანილი, რომელთა შორის UMP-ის ყოფილი ფუნქციონერებიც არიან.

სარკოზიმ 2012 წელს საპრეზიდენტო არჩევნები წააგო და საფრანგეთის პრეზიდენტი სოციალისტი ფრანსუა ოლანდი გახდა. 2016 წელს სარკოზის საპრეზიდენტო არჩევნებში თავისი კანდიდატურის წამოყენება კვლავ სურდა, მაგრამ პრაიმერიზში დამარცხდა.