აშშ-ის პრეზიდენტი დონალდ ტრამპი სენატორ ჯონ მაკკეინს Twitter-ის თავის გვერდზე აკრიტიკებს. მაკკეინი ტრამპის კრიტიკის ქარცეცხლში იემენში აშშ-ის სპეცოპერაციის შეფასებისთვის მოყვა. სპეცრაზმის იერიშის შედეგად, რომლის დროსაც 14 ტერორისტი განადგურდა, ამერიკელი სამხედრო რაინ ოუენსი დაიღუპა.

 ”სენატორ მაკკეინს პრესაში არ უნდა განეხილა ოპერაციის წარმატება ან წარუმატებლობა. ეს მტერს მხოლოდ გაახარებს. ის დიდი ხანია ყოველთვის წაგებული რჩება, ამიტომაც გამარჯვებებს გადაჩვეულია. უბრალოდ შეხედეთ ამ ქაოსს, ჩვენი ქვეყანა მთელი მსოფლიოს კონფლიქტებშია გახვეული”, - წერს ტრამპი Twitter-ში.

ამერიკის პრეზიდენტი ასევე წერს, რომ სპეცრაზმის მეთაური რაინ ოუენსი გამარჯვებულ ბრძოლაში დაიღუპა და მას ეს ბრძოლა არ წაუგია. ”დადგა დრო აშშ გაიზარდოს და გამარჯვებები ისწავლოს”, - აღნიშნავს ტრამპი.   

სენატორმა  ჯონ მაკკეინმა განაცხადა, რომ აშშ-ის სამხედრო საზღვაო ძალების სპეცრამზმის მიერ იემენში ჩატარებულ სპეცოპერაციას, რომლის დროსაც ოუენსი დაიღუპა,  შეუძლებელია წარმატებული უწოდო.

ოუენსი პირველი სამხედროა, რომელიც ტრამპის საპრეზიდენტო ვადის დაწყების შემდეგ დაიღუპა. ცენტრალურ იემენში  ”ალ-ქაიდას” ბანაკზე განხორციელებული იეირში ტრამპისთვის პრეზიდენტის რანგში პირველი სანქცირებული ოპერაცია გახდა.