მეუფე იაკობი სკანდალურ წერილზე, რომელიც კონფიდენციალურმა წყარომ რუსთავი2-ს მიაწოდა, პირველ კომენტარს აკეთებს.

განცხადება მეუფე იაკობმა ბერლინის კლინიკაში გააკეთა, სადაც მან გვიან ღამით პატრიარქი მოინახულა. 

"ეგ არის ვიღაცის ჩვეულებრივი ზღაპრები, რა კომენტარი გავაკეთო, ვერ გავიგე. მაგ სამსახურის შექმნა ჩემი იდეა იყო და ნუ იბრალებენ სხვები. ვინც გამოაქვეყნა, იმას თუ ჰქონდა, იმას უნდა ჰკითხოთ, მაგის გარკვევა ნებისმიერ დროს შეიძლება. უბრალოდ, სირცხვილია თემის გადაფარვა იმით, რომ, თურმე, მეუფეს მილიონებთან ჰქონია კავშირი, ეს არასერიოზულად მიმაჩნია. თემა რა უფრო დიდია, უწმინდესის უსაფრთხოება, თუ ვიღაცა მეუფე, თუნდაც, ქურდი მეუფე, რომელი უფრო სერიოზულია,“ - აცხადებს მეუფე იაკობი.

არქიმანდრიტ იაკობს მამა გიორგი მამალაძე წერილში საპატრიარქოს კლინიკაში არსებული თაღლითური სქემის დაფარვაში ადანაშაულებს.