ტრამპმა კალიფორნიაში საგანგებო მდგომარეობა გამოაცხადა
კალიფორნიაში საგანგებო მდგომარეობა გამოცხადდა. შესაბამისი განკარგულება ამერიკის პრეზიდენტმა დონალდ ტრამპმა გასცა. გადაუღებელი წვიმის შედეგად ადიდებულმა წყალმა ოროვილის წყალსაცავზე ჯებირი გაარღვია, რის შედეგადაც ახლომდებარე რაიონები დაიტბორა.
სტიქიის ზონიდან მოსახლეობის ევაკუაცია განხორციელდა. ადგილობრივი ხელისუფლების განცხადებით, დამბის დაზიანებული მონაკვეთის აღდგენას 200 მილიონი დოლარი დასჭირდება.
