რუსეთი დასავლეთისა და ნატოს დესტაბილიზაციას მედიის მეშვეობითაც ცდილობს. ამის შესახებ Sky News-თან ინტერვიუში დიდი ბრიტანეთის თავდაცვის მინისტრმა მაიკლ ფელონმა  განაცხადა.

”რუსეთი დასავლეთის დესტაბილიზაციას და ალიანსის გაყოფას ცდილობს. დღეისათვის ერთ-ერთ საკვანძო მომენტს წარმოადგენს ის, რომ ალიანსს გაცნობიერებული აქვს ამ საფრთხეებთან ბრძოლის აუცილებლობა. იქნება ეს ტერორიზმი, რუსეთის აგრესია, კიბერსაფრთხეები - ალიანსი ამ ბრძოლაში ერთიანი უნდა იყოს”, - განაცხადა მინისტრმა.

ფელონის თქმით, რუსეთი საფრანგეთისა და ბულგარეთის არჩევნებში უხეშად ერევა და მოსკოვი გაერთიანებულ სამეფოში ახორციელებს პორპაგანდას იმ ტელეკომპანიის მეშვეობით, რომელიც დიდ ბრიტანეთში აქვს. მისივე თქმით, ახალი ამბების სააგენტოების დახმარებით რუსეთი დიდ ბრიტანეთზე გავლენის დამყარებას ცდილობს.