64 წლის ქალმა ტყუპები გააჩინა
ესპანეთის ქალაქ ბურგოსში 64 წლის ქალმა ტყუპები- ბიჭი და გოგო გააჩინა.
საავადმყოფოს Recoletas Burgos-ის ექიმების თქმით, ქალს საკეისრო კვეთა გაუკეთეს. ახალშობილი ბიჭი 2,4 -ს, გოგონა კი - 2,2 კგ-ს იწონის.
ესპანური მედიის ცნობით, დასაორსულებლად ქალმა რეპროდუქციული მკურნალობის კურსი აშშ-ში გაიარა.
ექიმები პაციენტის ვინაობას არ ასახელებენ, თუმცა საავადმყოფომ თავის საიტზე გამოაქვეყნა ვიდეოჩანაწერი, რომელშიც ჩანს როგორ უკეთებენ საკეისრო კვეთის ოპერაციას პაციენტს.
ექიმების ცნობით, ტყუპები და დედა თავს კარგად გრძნობენ.
