მეუფე პეტრეს განცხადებით, პატრიარქის მდივან-რეფერენტი შორენა თეთრუაშვილი საქართველოს ეკლესიის და სახელმწიფოებრიობის მტრების პოზიციას წარმოადგენს. რაც შეეხება მეუფე იაკობს, მეუფე პეტრეს თქმით, იაკობი პატრიოტი ადამიანია, მაგრამ ის იმ  ინტრიგის შემადგენელი ნაწილია, რომელიც პატრიარქის წინააღმდეგ აგორდა.

„მეუფე იაკობი ყაზბეგში ჩემი მოღვაწეობისას პატრიარქის კურთხევით წლების განმავლობაში სოფელ სნოში გადიოდა მორჩილებას ჩემს ხელში. მე ვამზადებდი მას ბერად. აქედან გამომდინარე, იმედია გონს მოეგება და კარგად დაფიქრდება, რა არის მთავარი ქვეყნის და ეკლესიისთვის. მე ვიღებ პასუხისმგებლობას მეუფე იაკობის ბერად მომზადებაზე, მაგრამ არ ვიღებ პასუხისმგებლობას მის მღვდელთმთავრობაზე.“- განაცხადა მეუფე პეტრემ.

მისივე თქმით, ის ოქროს თევზებში მხოლოდ მეუფე იაკობს არ გულისხმობდა. ჭყონდიდელი მიტროპოლიტის განცხადებით, როდესაც საპატრიარქოს დელეგაცია ბერლინიდან ჩამოვა, მღვდელმთავრები შეკრიბებიან და ერთად, ცივი გონებით მიიღებენ გადაწყვეტილებას.

„მე, ხშირად მეუბნებიან, როცა სიმათლეს ამბობ, ცხენი უნდა გყავდეს შეკაზმული გასაქცევად. არსად გაქცევას არ ვაპირებ, თუ ღმერთი დაუშვებს, ჩემი გვამისთვის ადგილი მარტვილის მონასტრის ეზოში მაქვს გამზადებული. ხოლო ჩემი სული ღმერთის სამართლისთვის მიმინდვია.“- დასძინა მეიფე პეტრემ.