„ამ წუთიდან რუსთავი 2 ისევ ჩაირთო რაც იმის ნიშანია, რომ ეს არხი არასდროს აღარ უნდა გამოირთოს", - ასე მიმართა კურიერის წამყვანმა ზაალ უდუმაშვილმა რუსთაველის გამზირზე შეკრებილ საზოგადოებას. 

„ამ წუთიდან რუსთავი 2 ისევ ჩაირთო რაც იმის ნიშანია, რომ ეს არხი არასდროს აღარ უნდა გამოირთოს. დარწმუნებული ვარ, რომ რუსთავი 2-ს და ამ ქვეყანაში სიტყვის თავისუფლებას საფრთხე აღარ ემუქრება, ორი წელია უკვე გაუსაძლის გარემოში გვიწევს მუშაობა, ერთი ნაბიჯი არ გადაგვიდგამს უკან, თუმცა ყველაფერს თავისი ზღვარი აქვს, დღეს ჩვენ ყველამ ერთად უნდა ვუთხრათ ამ ხელისუფლებას რომ ვერასოდეს ვერ შეეხებით ამ ქვეყანაში სიტყვის თავისუფლებას. მერწმუნეთ, რუსთავი 2 თუ დაეცა ეს არ იქნება ერთი ტელევიზიის დაცემა, ეს ნიშნავს იმას, რომ ხვალ უკვე თითოეული ჩვენთაგანის ოჯახებში შემოვლენ და რასაც უნდათ იმას გააკეთებენ. მსურს მივმართო იმ მოსამართლეებს, რომლებიც დღემდე მედგრად დგანან, ძალიან ცოტა დარჩა ბატონებო ამ ყველაფრის დასასრულამდე, მოგიწოდებთ იყავით მხნედ, იღებთ გადაწყვეტილებას არა დღევანდელი დღისთვის, არამედ ამ ქვეყნის მომავლისთვის და თქვენი შვილებისთვის. იმედი მაქვს რომ ამ ქვეყანაში სამართლიანობა გაიმარჯვებს, ვინაიდან სიმართლეს წინ ვერაფერი დაუდგება“, - განაცხადა ზაალ უდუმაშვილმა.