“ბავშვთა სამყაროს” მიმდებარე ტერიტორიაზე გაიშლება კარავი, სადაც მონაცვლეობით დაზარალებული მოვაჭრეები შიმშილს დაიწყებენ, - ამის შესახებ ადვოკატთა ასოციაციის თავმჯდომარე ზაზა ხატიაშვილმა დაზარალებულებთან შეხვედრის შემდეგ განაცხადა.

მოვაჭრეების თქმით კი, ყოველ დღე “ბავშვთა სამყაროს” მიმდებარე ტერიტორიაზე გაიმართება საინფორმაციო პრესკონფერენცია.

“ყოველ დღე 3-3 ადამიანი იშიმშილებს. გვაქვს ჩამოწერილი სიები, ჩვენ არ გავჩერდებით, სანამ არ აგვინაზღაურებენ ზიანს, მივმართეთ ყველა ინსტანციას, თუმცა ყველამ გადაგვამისამართა. რაც შეეხება ბანკებთან შეღავათებს, არანაირი შეღავათი არ გვიგრძნია, გადავადებული გადასახადი პროცენტდამატებულია”, - განმარტა ერთ-ერთმა დაზარალებულმა.