პრეზიდენტის მრჩეველი პოლიტიკურ საკითხებში, ფიქრია ჩიხრაძე, პრეზიდენტის მიერ საერთაშორისო შეხვედრებზე მედიის თავისუფლების საკითხებთან დაკავშირებულ მსჯელობაზე ამახვილებს ყურადღებას. 

„დღეს უმნიშვნელოვანესია, რომ ისმოდეს განსხვავებული აზრი, რომ ისმოდეს კრიტიკული სიტყვა, რომ „რუსთავი 2", როგორც ფლაგმანი ამ კრიტიკული და განსხვავებული აზრისა ფუნქციონირებდეს შეფერხებების გარეშე. პრეზიდენტმა მოუწოდა ყველა მხარეს, რომ ნაჩქარევი, გაუაზრებელი უპასუხისმგებლო დამოკიდებულებისგან ყველამ თავის შეიკავოს. გამომდინარე იქიდან, რომ იმთავითვე პოლიტიკური ელემენტი ამ პროცესს ახლდა თან და ძალიან ჭირს, რომ მხოლოდ სამართლებრივ დავაში გადაიტანო ეს ყველაფერი,“ - განაცხადა ფიქრია ჩიხრაძემ.