"თავისუფალი თეატრი" 16 წლისაა. "თეატრი, რომელიც სიმართლეს და დღესასწაულს სთავაზობს მაყურებელს", ამბობს ავთო ვარსიმაშვილი და სოციალურ ქსელში პოსტს აქვეყნებს:

"დღეს "თავისუფალი თეატრი" 16 წლის გახდა. ამ დღეს დასის ერთი ნაწილი ჩემი ხელმძღვანელობით გასტროლზე ხვდება, მეორე ნაწილი კი მშობლიურ კედლებში ახალი პრემიერით. დღეს მინდა ვუთხრა დიდი მადლობა იმ ათასზე მეტ მსახიობს, ვინც ამ 16 წლის მანძილზე გამოვიდა ჩვენს სცენაზე, იმ ორმოცდაათზე მეტ რეჟისორს ვინც ჩვენს თეატრში დადგა სპექტაკლი და რაღა თქმა უნდა უდიდესი მადლობა იმ მრავალათასიან მაყურებელს, რომელიც 16 წლის მანძილზე მუდამ იყო ჩვენთან და გვამხნევებდა თავისი სიყვარულით. "თეატრი, რომელიც სიმართლეს და დღესასწაულს სთავაზობს მაყურებელს" ეს იყო ჩვენი დევიზი დღიდან დაარსებისა და ამ დევიზით გავაგრძელებთ კიდევ ერთი 100 წელი", - წერს ავთო ვარსიმაშვილი.