მიბაძვითი პოლიტიკა საქართველოსთვის დამღუპველია, - აცხადებს არასამთავრობო ორგანიზაცია „კოორდინაციის“ ხელმძღვანელი გიორგი ჭუმბურიძე.

მისი თქმით, ქართულ თვითმყოფადობას მხოლოდ მართლმადიდებლური და ცენტრისტული მიმართულება გადაარჩენს.

„ჩვენი გეოპოლიტიკური მდებარეობიდან გამომდინარე, ვერ ვივლით იმ ზომის ჩექმით, რომელიც მოგვიჭერს, ან ძალიან დიდი გვექნება. ვიზალიბერალიზაცია კარგია, არა მხოლოდ შენგენის ქვეყნებთან, არამედ კარგი იქნებოდა, მსოფლიოს ყველა ქვეყანაში შეგვეძლოს უვიზოდ მოგზაურობა. ბევრ პლუსზეც შეიძლება საუბარი და ბევრ მინუსზეც. ჩვენ გვინდა უარვყოთ ჩვენი რელიგია და ტრადიციები და როგორ გვინდა თავი გავაცნოთ ევროპას - ერმა, რომელიც ევროპა უნდა დავარწმუნოთ რომ თქვენნაირები გავხდებითო, თუ როგორც თვითმყოფადმა ერმა?! “აისო” სტანდარტები კარგია, მაგრამ არავინ გამოგვიყოფს მილიარდებს, თუნდაც "ხბოშუბლას" გადამუშავებაში. ამიტომ, სწორხაზოვნად, ერთი მიმართულებით სიარული და მიბაძვითი პოლიტიკა საქართველოსა და ქართველებისთვის დამღუპველია. ვიცით რომ, ამ პოლიტიკით ვაღიზიანებთ მსოფლიო დონის სხვა მოთამაშეს, რომელ ქვეყანაშიც მილიონზე მეტი ქართველი ცხოვრობს და ტვირთბრუნვით, თანხების შემოდინებით, ბიზნეს დაინტერესებით, ჩვენზე მორგებული ბაზრით, სხვა ქვეყნებს ხუთჯერ აჭარბებს”, - აცხადებს ჭუმბურიძე და აღნიშნავს, რომ არ გვჭირდება თავის მოტყუება და იმის მტკიცება, რომ ცნობილი სახალისო ამოცანა - „ჩვენზე არ მუშაობს“ -  როდესაც ერთმანეთის შესახვედრად ერთდროულად დაიძრნენ კუ და კურდღელი. რომელი უფრო სწრაფად შეხვდება მეორესო?

„ჩვენი თვითმყოფადობიდან გამომდინარე, კუს ნაბიჯებით წავალთ და წარმატებას ვერ მივაღწევთ და სამშობლოსაც „ფუკაში“ დავკარგავთ“, - განაცხადა არასამთავრობო ორგანიზაცია „კოორდინაციის“ ხელმძღვანელმა გიორგი ჭუმბურიძემ.