ინდოეთში ტელევიზიის წამყვანმა სუპრიტ კაურმა პირდაპირ ეთერში წაიკითხა ინფორმაცია ავტოსაგზაო შემთხვევის შესახებ, რომელშიც მისი ქმარი დაიღუპა, ამის შესახებ The Times of India იუწყება.

ჟურნალისტებმა მიიღეს ინფორმაცია, რომ ავარიაში დაიღუპა 3 ადამიანი. პირდაპირი ჩართვის დროს ჟურნალისტს დაღუპულების გვარები არ დაუსახელებია. როგორც გამოცემა იუწყება, წამყვანი მიხვდა, რომ საქმე მის ქმარს ეხებოდა, რომელიც იმავე მარკის მანქანით იმავე მარშრუტით გაემგზავრა, რომელზეც ინფორმაციაში იყო ლაპარაკი. წამყვანმა პირდაპირ ეთერში ინფორმაციის ბოლომდე ჩაკითხვა შეძლო. ეთერის დასრულების შემდეგ ის სტუდიიდან გავიდა და კორესპონდენტს დაურეკა, რომელმაც დაუდასტურა, რომ ერთ-ერთი დაღუპული მართლაც მისი ქმარი იყო. მხოლოდ მაშინ ვეღარ შეიკავა ქალმა თავი.

"ეს ძალიან მძიმე სიტუაციაა ნებისმიერი ადამიანისთვის, სუპრიტმა შეძლო მდგომარეობას თავი გაართვა და პირდაპირ ეთერში არაფერი შეიმჩნია. მან სამაგალითო ერთგულება გამოავლინა საქმისადმი", - განაცხადა ტელეარხის თანამშრომელმა.