"ევროპულმა საქართველომ“ და „თავისუფალმა დემოკრატებმა“ საკონსტიტუციო კომისია დატოვეს. პარლამენტში გამართულ პრეკონფერენციაზე ირაკლი აბესაძემ და შალვა შავგულიძემ ამის შესახებ გააკეთეს განცხადება.
მათი განმარტებით, , საკონსტიტუციო ცვლილებების პროექტით შემოთავაზებულია არასამართლიანი საარჩევნო სისტემა და პრეზიდენტის იმსტიტუტის უფლებამოსილების შეზღუდვა, პროექტში გათვალისწინებულია მხოლოდ "ქართული ოცნების" პოზიციები და უგულვებელყოფილია ოპოზიციური პოლიტიკური პარტიებისა და არასამთავრობო სექტორის განსხვავებული პოზიციები. მათივე განმარტებით, აღნიშნულიდან გამომდინარე, "თავისუფალი დემოკრატები" და "ევროპული საქართველო" მონაწილეობას არ მიიღებენ პროექტის კენჭისყრაში, რომელიც შაბათს გაიმართება. 
რამდენიმე დღის წინ საკონსტიტუციო კომისია ასევე დატოვეს პარტიებმა: "სახელმწიფო ხალხისთვის", "ერთიანი ნაციონალური მოძრაობა", "პატრიოტთა ალიანსი" და "დემოკრატიული მოძრაობა".

საკონსტიტუციო კომისიაში ბოლომდე დარჩენის შესახებ დღეს "საერთაშორისო გამჭვირვალობა - საქართველომ“ განაცხადა.