გარდაცვლილი 9 წლის ბავშვის მშობლები ექიმებს უყურადღებობაში ადანაშაულებენ
ბათუმის დედათა და ბავშვთა ცენტრში გარდაცვლილი 9 წლის ბავშვის მშობლები ექიმებს უყურადღებობაში ადანაშაულებენ. ცერებრალური დამბლის მქონე მოზარდი საავადმყოფოში გარდაიცვალა.
ოჯახის ინფორმაციით, ბავშვი კლინიკაში მაღალი სიცხით 30 ოქტომბერს მიიყვანეს საავადმყოფოში. ექიმებმა მას გადასხმა გაუკეთეს, რის შემდეგაც მდგომარეობა შედარებით გაუმჯობესდა, თუმცა მათივე თქმით, პაციენტს სათანადო ყურადღება არ მიაქციეს და არც გამოკვლევები ჩაუტარეს.
