გორში მიმდინარე საკონსტიტუციო პროექტის განხილვაზე ხმაური იყო. შეხვედრაზე „ევროპული საქართველოს“ წევრის, სერგო რატიანის გამოსვლას მოქალაქეების მხრიდან ხმამაღალი შეძახილები მოჰყვა, მას „ნაციონალურ მოძრაობაში“ ყოფნის წლები გაუხსენეს.

სიტუაციის განეიტრალება სცადა პარლამენტის თავმჯდომარემ, მან შეკრებილებს სიმშვიდისაკენ მოუწოდა.

„მშვიდად მოვუსმინოთ ყველას. თითოეულ გამომსვლელს მოვუწოდებ, რომ პოლიტიკური გრძნონების პროვოცირება არ მოახდინოს, რომელიც ხალხს მძიმე შავ-ბნელ წარსულს გაახსენებს. ძალიან გთხოვთ თითოეულ თქვენგანს. აქ იყო საუბარი პოლიტიკურ საკითხებზე, ბატონო სერგო. ჩვენ კონსტიტუციაზე უნდა ვისაუბროთ. აქ საუბარი იყო ისეთ თემებზე, რომელიც აქ არ უნდა გეხსენებინათ. ჩვენ აქ არ დაგვიწყია ცხრა წელზე საუბარი. ჩვენ ვსაუბრობთ კონსტიტუციაზე, ეს არის ჩვენთვის პრინციპულად მნიშვნელოვანი. არც 9 წელს გახსენებთ, არც ქუჩაში ხალხის დახოცვას. ამას არ გახსენებთ, ჩვენ ვსაუბრობთ საქართველოს კონსტიტუციაზე“, - განაცხადა ირაკლი კობახიძემ.