საირმის ქუჩაზე საფეხმავლო გზა ჩაინგრა
საფეხმავლო გზა საირმის N51-ში გუშინ ჩაინგრა. შემთხვევის შედეგად არავინ დაშავებულა. საზოგადოებრივის ინფორმაციით, აღნიშნულ ტერიტორიაზე საცხოვრებელ კორპუსს სამშენებლო კომპანია „აქსისი“ აშენებს.
კომპანიის წარმომადგენლის განცხადებით, გზის ჩანგრევა სანიაღვრე სისტემის გაუმართაობამ გამოიწვია.
„ვფიქრობდით, რომ საფრთხე არსებობდა. სამუშაოები დროებით გავაჩერეთ. ადგილზე ჩვენი ჯგუფები მობილიზებულები არიან და გზის აღდგენითი სამუშაოები დაწყებულია. იგეგმება კომუნიკაციის მილების გადატანა“,- განაცხადა „აქსისის“ წარმომადგენელმა ზვიად ზარნაძემ.
