რუსთავში 35 წლის მამაკაცს ეძებენ
რუსთავში 35 წლის მამაკაცს ეძებენ. ოჯახის ახლობლის ინფორმაციით, ალიკა ბელიანტი სახლიდან 12 ივლისს გავიდა და მას შემდეგ არავის უნახავს.
ახალგაზრდა მამაკაცი რუსთავში მერვე მიკრორაინში, ოჯახთან ერთად ცხოვრობს. ეზოდან ის დღის სამის ნახევარზე გავიდა, სამი საათიდან კი მასთან სატელეფონო კავშირიც გაწყდა.
როგორც შინაგან საქმეთა სამინისტროში აცხადებენ, დაკარგულის მოსაძებნად აქტიური მუშაობა მიმდინარეობს.
